औसा :  येथील  सामाजिक कार्यकर्त्या  प्रियंका लद्दे  यांची राष्ट्रवादी युवती काँग्रेसच्या  जिल्हाअध्यक्ष पदी निवड करण्यात आली आहे. खा सुप्रिया  सुळे यांच्या हस्ते  व महिला प्रदेशाध्यक्ष रूपाली चाकणकर आणि युवती प्रदेशाध्यक्ष सक्षणा सलगर यांच्या उपस्थितीत त्यांना नियुक्तीपत्र देण्यात आले .

प्रियंका लद्दे मागच्या अनेक वर्षांपासून समाजकारणात आहेत.  आत्महत्याग्रस्त शेतकऱ्यांच्या मुलांचे शिक्षण करणे,  गरजूंच्या मदतीला धावून जाणे ही त्यांची स्वभाववैशिष्ट्ये . सण उत्सवांमध्ये समाजातील सर्व घटकांना सहभागी करून घेण्याचे उपक्रम त्यांनी अनेकदा राबविले.याची दखल घेत राष्ट्रवादी काँग्रेसने राष्ट्रवादी युवती जिल्हाध्यक्षपदी नियुक्ती केली आहे.

 औशाचे नगराध्यक्ष डॉ अफसर शेख यांनी त्यांना शुभेच्छा दिल्या.