आष्टी दि.१४ (प्रतिनिधी): अल्पवयीन मुलीने राहत्या घरी गळफास घेऊन आत्महत्या केल्याची घटना अंभोरा ठाणे हद्दीतील खुंटेफळ येथे घडली आहे. पुजा असे आत्महत्या केलेल्या मुलीचे नाव आहे. आत्महत्या का व कोणत्या कारणाने केली याचे कारण अद्याप स्पष्ट झाले नाही.
आष्टी तालुक्यातील खुंटेफळ येथील १७वर्षीय अल्पवयीन मुलीने शनिवारी सायंकाळी सहाच्या दरम्यान राहत्या घरात कोणी नसल्याचे पाहून गळफास घेतला. याच दरम्यान काही वेळात आई, वडिल घरी येताच त्यांनी तिला खाली घेत उपचारासाठी धानोरा येथील एका खाजगी दवाखान्यात आणले. डॉक्टरांनी तपासणी दरम्यान मृत घोषित केल्यानंतर मृतदेह कडा येथील प्राथमिक आरोग्य केंद्रात शवविच्छेदनासाठी ठेवला होता.अंभोरा पोलिस ठाण्यातील पोलीस हवालदार भगवान देवकर यांनी पंचनामा केल्यानंतर रविवारी सकाळी शवविच्छेदन करत शोकाकुल वातावरणात अंत्यसंस्कार करण्यात आले. तिने आत्महत्या का व कोणत्या कारणाने केली याचे कारण अद्याप समोर आले नाही.
