कडा दि.२(वार्ताहार): धानोरा येथील एका शेतातील जुगार अड्ड्यावर अंभोरा पोलिसांनी सोमवारी रात्री धाड टाकली. यावेळी पोलिसांनी साडेचार लाखांचा मुद्देमाल जप्त करत १३ जणांना ताब्यात घेतले.
आष्टी तालुक्यातील धानोरा येथे एका शेतात जुगार अड्डा सुरू असल्याची माहिती पोलीसांना मिळाली. यावरून पोलिसांनी सापळा रचून शेतातील अड्ड्यावर धाड टाकली. यावेळी पोलिसांनी १३ जुगारींना ताब्यात घेऊन मोबाईल, दुचाकी, जुगारीचे साहित्य असा एकूण ४ लाख ३० हजार ९३० रूपयांचा मुद्देमाल जप्त केला. पोलिस अंमलदार सतीश पैठणे यांच्या फिर्यादीवरून संतोष शिवाजी शेळके, मनोजकुमार मनोहर माने, गंगाराम बाबू फुलमाळी, लक्ष्मण त्रिंबक शेळके ( रा.धानोरा), आजिनाथ रामभाऊ गायकवाड, सुलेमान देवळा, प्रकाश रमेश ढोबळे, रामकिशन पंढरीनाथ भोसले ( दोघे रा.शेरी खुर्द), नागाआप्पा बंडीवडर भिमाप्पा ( रा.वरचगल, कर्नाटक) यांच्यासह अन्य पाच आरोपींविरुद्ध गुन्हा दाखल करण्यात आला आहे.सदरील कारवाई पोलिस अधीक्षक नवनीत काॅवत, अप्पर पोलीस अधीक्षक सचिन पांडकर, आष्टीचे उपअधीक्षक बाळकृष्ण हनपुडे याच्या मार्गदर्शनाखाली सहाय्यक पोलीस निरीक्षक मंगेश साळवे,पोलीस उपनिरीक्षक चंद्रकांत तावरे, आदिनाथ भडके, देवीदास सातव यांनी केली.
