परळी वैजनाथ दि.३१ (प्रतिनिधी): शहरातील रेल्वे (Crime)स्थानकात थांबलेल्या एका पाच वर्षीय बालिकेला उचलून नेत तिच्यावर बलात्कार केल्याचा संतापजनक प्रकार रविवार (दि.३१) रोजी सकाळी उघडकीस आला आहे. 

          पंढरपूर येथील एक जोडपे आपल्या पाच वर्षीय (Girl)मुलीला घेऊन कामाच्या शोधात परळीला रेल्वेने आले. सकाळच्या सुमारास रेल्वे परळी वैजनाथ स्थानकावर आली. या ठिकाणी हे पती-पत्नी आपल्या मुलीसह उतरले. यातील पीडित बालिकेची आई दोन-तीन दिवसापासून आजारी आहे. त्यामुळे रेल्वे स्थानकावरच थोडा वेळ आराम करून आपण बाहेर जाऊ असा विचार करून ती आपल्या मुलीला कुशीत घेऊन त्याच ठिकाणी झोपली. पिडित मुलीचे वडील स्थानकातच(Crime) थोडेसे बाजूला गेलेले होते.तेवढ्याच काही वेळात या मुलीच्या आईला झोप लागली व मुलगी तिच्या अवतीभवतीच चकरा मारत होती. याच दरम्यान एकटी मुलगी बघून अज्ञात व्यक्तीने तिला त्या ठिकाणाहून नेले व गैरकृत्य केले. पाच वर्षीय बालिकेवर बलात्कार करून हा अज्ञात तेथून निघून गेला.मुलगी रडत  आईकडे आल्यानंतर तिच्या आईने काय झाले याचा शोध घेतला असता तिच्या गुप्तांगातून रक्तस्त्राव बघून तिच्यावर गैरप्रकार झाल्याचे तिच्या लक्षात आले.  पीडित बालिकेला परळीच्या उपजिल्हा रुग्णालयात तपासणीसाठी आणण्यात आले होते.परंतु पुढील उपचारासाठी अंबाजोगाई येथील स्वाराती रुग्णालयात दाखल करण्यात आले असून आरोपी फरार आहे.या प्रकरणाचा पुढील तपास संभाजीनगर पोलीस (Police)करीत आहेत.