जालना : विरुद्ध दिशेने भरधाव (Accident) वेगाने येणार्‍या हायवाने समोरून येणार्‍या कारला जोराची धडक दिली. या भीषण अपघातात परप्रांतीय दांपत्य जागीच ठार झाले. तर पाच जण गंभीर जखमी झाल्याची घटना (दि.११) रविवार रोजी मध्यरात्री ११:३० च्या दरम्यान धुळे-सोलापूर महामार्गावरील (Accident) बारसवाडा फाटा येथे घडली. हा अपघात एवढा भीषण होता की जेसीबीच्या सहाय्याने मृतदेह बाहेर काढण्यात आले.

      हैदराबादहून शिर्डी देवदर्शनासाठी जात असताना भाविकांवर काळाचा घाला झाला. या अपघातात (Accident) जी रामू (वय ४५) ,जी माधुरी (वय ४०)दोघेही रा. हैद्राबाद जागीच ठार झाले असून श्रीवाणी (वय ४१), अनुषा (वय १७), मेघना (वय १२), ऋषिका (वय ०७), नागेश्‍वर राव (वय ४५)हे गंभीर जखमी झाले आहेत. जखमींवर छत्रपती संभाजीनगर येथील खाजगी रुग्णालयात उपचार सुरु आहेत.