पुणे : अशोक खरात प्रकरणी एसआयटी चौकशी सुरू असून त्याच्या चौकशीतून अनेक धक्कादायक खुलासे समोर येत आहेत. दरम्यान, त्याच्याविषयी अनेक धक्कादायक दावेही राजकीय पटलावरून केले जात आहेत. आता आमदार रोहित पवार यांनीही एक्सवरून मोठा दावा केला आहे.
अशोक खरातला संपवून त्याने आत्महत्या केली, असं दाखवणार असल्याचा चर्चा सुरू असल्याबाबत रोहित पवार म्हणाले, “खूप काही जणांची खूप काही माहिती असलेल्या भोंदू खरातचे धागेदोरे मोठमोठ्या नेत्यांपर्यंत येऊन पोहचल्याने आत्महत्या किंवा इतर काही दाखवून खरातला संपवायचं तर दुसरीकडं अजितदादांच्या अपघाताची इत्तंभूत माहिती असलेल्या व्ही के सिंगला काहीही झालं तरी वाचवायचं अशा चर्चा आहेत.”“दोषींना शिक्षा झालीच पाहिजे, पण सत्य दडपण्यासाठी कोणाचा जीव घेतला जात असेल किंवा सत्य दडपण्यासाठी कोणाला दोषातून वाचवलं जात असेल तर या दोन्ही बाबी योग्य नाहीत. अशी राजकीय रणनीती कुणी आखत असेल तर महाराष्ट्राच्या जनतेला हे अजिबात आवडणार तर नाहीच उलट लोकांचा व्यवस्थेवरचा विश्वास उडेल. सत्य लपवण्यासाठी एवढा अट्टहास का? अशाने सत्य लपणार आहे का?” असा सवालही उपस्थित केला जात आहे.“असो, ‘कितीही प्रयत्न केला तरी सत्य लपवता येत नाही, ते कधीतरी बाहेर येतंच’ याचा अनेकांना विसर पडलेला दिसतोय,” असंही ते म्हणाले.
