जामखेड दि.८ (प्रतिनिधी): तु मला फोनवर का बोलत नाही? माझा नंबर ब्लॉक का केला? असे म्हणत रागातून एका कोयत्याने वार करत एका महिलेला गंभीर जखमी केले. जखमी महिलेवर जामखेड येथील एका खासगी रुग्णालयात उपचार सुरू आहेत. घटनेनंतर हल्लेखोर आरोपी घटनास्थळावरूनच पसार झाला आहे. सदर जख्मी महिला जामखेड येथील कलाकेंद्रात नृत्यांगना म्हणून काम करीत आहे. या घटनेने परिसरात खळबळ उडाली आहे. या प्रकरणी सदर पिडीत महीलेचा मित्राविरोधात दिलेल्या फिर्यादीवरुन आरोपी राहल अशोक कचरे याच्या विरोधात जीवे मारण्याचा प्रयत्नाचा गुन्हा दाखल करण्यात आला आहे.
 
  जामखेड शहरातील तपनेश्वर भागात राहणाऱ्या आणि सांस्कृतिक कला केंद्रातील नृत्यांगनेचे या गुन्ह्यातील आरोपी राहूल अशोक कचरे याचे सोबत मागील पाच वर्षांपासून मैत्रीचे संबध होते. यापुर्वी देखील त्रास देत असल्याने महिलेने सदर अर्जदार आरोपीविरुद्ध गुन्हा दाखल केलेला आहे.याच त्रासातून गुरुवार दि. ५ फेब्रुवारी रोजी रात्री १०:०० वाजण्याच्या सुमारास फीर्यादी महीलेस आरोपी राहुल कचरे याने फोनवरून् तु माझ्याशी फोनवर बोल, माझे तुझ्यावर प्रेम आहे. तु जर बोलली नाही तर मी तुला मारून टाकीन अशी धमकी दिली होती. त्यावेळी फीर्यादी महीलेने त्याचा फोन कट केला. त्यानंतर दुसऱ्या दिवशी रात्री २:०० वाजण्याच्या सुमारास फीर्यादी महिला ही आपल्या रूमवर असताना तिची मैत्रिण बालकणीत गेली असता तेथे दबा धरून बसलेला आरोपी राहूल कचरे याने नर्तींकेच्या रूममध्ये येत तु माझ्याशी का बोलत नाही? माझा नंबर का ब्लॉक केला? असे म्हणून फीर्यादी महीलेच्या बोटांवर, हातावर व डोक्यावर कोयत्याने वार करून जखमी केले आहे. त्यावेळी तिच्या मैत्रिणीने त्यास मारू नको अशी विनंती केली होती. मात्र मी तुला संपवून टाकणार आहे अशी धमकी देत आरोपी निघून गेला. या प्रकरणी २६ वर्षीय नृत्यांगनेच्या फिर्यादीवरुन आरोपी राहुल अशोक कचरे, रा. खळेगाव ता. गेवराई जि. बीड याच्या विरोधात जामखेड पोलीस स्टेशनला गुन्हा दाखल करण्यात आला असून सध्या आरोपी हा फरार आहे. पुढील तपास पोलीस निरीक्षक दशरथ चौधरी यांच्या मार्गदर्शनाखाली सहाय्यक पोलीस निरीक्षक वर्षा जाधव या करीत आहेत.