परळी वैजनाथ दि.२ (प्रतिनिधी):परळी- सिरसाळा (Accident)रस्त्यावर शुक्रवार (दि.१) रोजी रात्री ११.४५  च्या सुमारास कार व ट्रकचा भीषण अपघात झाला. या अपघातात ट्रक मालक सय्यद मगदुम सय्यद जफर (वय ४५) रा.पेठ मोहल्ला, परळी वैजनाथ यांचा मृत्यु झाला आहे.

          अधिक माहिती अशी कि, सिरसाळा जवळील रस्त्यावर सय्यद मगदुम रस्त्याच्या कडेला पंक्चर झालेला आपल्या ट्रकचा टायर बदलत असताना, भरधाव वेगाने येणाऱ्या स्विफ्ट डिझायर कारने त्यांना जोरदार धडक दिली. धडक इतकी जोरदार होती की, घटनास्थळीच त्यांचा मृत्यु झाला. स्थानिकांनी तात्काळ मदतकार्य करत त्यांना परळी येथील उपजिल्हा रुग्णालयात दाखल केले, मात्र डॉक्टरांनी त्यांना मृत घोषित केले. घटनेची माहिती मिळताच रुग्णालयात नातेवाईक, नागरिकांनी मोठी गर्दी केली.दरम्यान धडक दिलेली कार सिरसाळा पोलीसांनी ताब्यात घेतली आहे.