केज दि.१६ (प्रतिनिधी): मुंबई (Mumbai)येथून परळीकडे जाणारी कार पुलाच्या कठड्याला धडकून झालेल्या भीषण (Accident)अपघातात परळी येथील एका व्यापाऱ्यांसह, कारचालक असे दोघेही जागीच ठार झाले. हा भीषण अपघात मंगळवार (दि.१६)रोजी पहाटे ५ च्या दरम्यान केज (Kaij)तालुक्यातील कदमवाडी शिवारात झाला. अपघातात कार चक्काचूर झाली आहे.

    परळी येथील बूट, चप्पलचे ठोक विक्रेते इम्रान कच्छी आणि त्यांचा कारचालक अझरुद्दीन बाबामियाँ शेख हे दोघेजण सोमवारी रात्री मुंबई येथून कारने (एमएच ०२ सी.एच ६७८९) परळीकडे प्रवास करत होते. मंगळवार (दि.१६) पहाटे ५ वाजण्याच्या दरम्यान अहमदपूर - अहिल्यानगर या राष्ट्रीय महामार्गांवर केज तालुक्यातील कदमवाडी शिवारातील पुलाजवळ कारचालकाला डुलकी लागली. यामुळे नियंत्रण सुटून भरधाव कार पुलाच्या कठड्यावर धडकली. या भीषण अपघातात इम्रान इब्राहिम कच्छी (५०) आणि चालक अझरुद्दीन बाबामिया शेख (४०), दोघे रा. परळी) हे जागीच ठार झाले.