बीड दि. २२ (प्रतिनिधी ): इमारती आणि भौतिक सुविधांचा गवगवा केला जात असलेल्या बीडच्या जिल्हा रुग्णालयात उपचार मिळतील तेव्हा तेव्हा मिळतील , मात्र रुग्णाला दाखल करण्याच्या प्रक्रियेतच त्याचा जीव जाईल अशी परिस्थिती निर्माण होत असल्याचे चित्र वारंवार पाहायला मिळत आहे. एखाद्या रुग्णाच्या सोबत कोणी नसेल तर त्याला दाखल होईपर्यंत किमान ५-६ ठिकाणी हेलपाटे मारावे लागत आहेत, हि प्रक्रिया सोपी करावी यासाठी मात्र कोणी पुढाकार घेताना दिसत नाही.