बीड दि.२६(प्रतिनिधी): शहरातील (Beed)कालीका नगर भागातील साई भगवान रेसिडेन्सी कॉलनी येथे अज्ञात चोरट्यांनी घरफोडी करून सोन्या-चांदीचे दागिने आणि रोख रक्कम असा एकूण ५५ हजार ३०० रुपयांचा रुपयांचा ऐवज चोरून नेला असून या प्रकरणी शिवाजीनगर पोलिस (Police)ठाण्यात गुन्हा दाखल करण्यात आला आहे.

       शहरातील तानाजी जगनाथ लांडगे (रा. साई भगवान रेसिडेन्सी, कालीका नगर, बीड) यांनी दिलेल्या फिर्यादीनुसार, रविवार (दि.२४) रोजी रात्री दहा ते सोमवार (दि.२५) च्या सकाळी सहाच्या दरम्यान अज्ञात चोरट्याने त्यांच्या घरात प्रवेश करून बेडरुममधील कपाटातील १३ तोळ्यांच्या २ चांदीच्या जोड्या, २ तोळ्यांच्या बांगड्या, २ तोळ्यांची कंबरेची साखळी, ४ ग्रॅम वजनाचे सोन्याचे  हार, २ ग्रॅमचे सोन्याचे मंगळसूत्र आणि रोख २६ हजार ५०० रुपये असा एकूण ५५ हजार ३०० रुपयांचा ऐवज चोरट्यांनी लंपास केल्याची घटना घडली असून या प्रकरणी शिवाजीनगर (Police)पोलिस ठाण्यात गुन्हा दाखल करण्यात आला असून पुढील तपास पोलीस करत आहेत.